لاہور: (دنیا نیوز) لاہور میں ایوان عدل کے قریب ایل ڈی اے پلازہ میں آگ لگ گئی۔
ریسکیو حکام کے مطابق آگ ایل ڈی اے پلازہ کے تیسرے اور چھٹے فلور پر لگی، ریسکیو اہلکاروں نے بروقت کارروائی کرتے ہوئے آگ پر قابو پا لیا، کولنگ کا عمل جاری ہے۔
ذرائع کے مطابق آگ لگنے کی ابتدائی وجہ شارٹ سرکٹ بتائی جا رہی ہے۔
ذرائع کا کہنا ہے کہ عمارت سے ایک فیملی کے 8 افراد کو بحفاظت ریسکیو کر لیا گیا، اس وقت عمارت میں کوئی شخص موجود نہیں۔
آگ کے باعث عمارت میں موجود عدالتی ریکارڈ اور قیمتی سامان جل کر راکھ ہوگیا، تاہم عدالتی ریکارڈ کے نقصان کا تخمینہ لگانے کا عمل جاری ہے۔
