اسلام آباد: (دنیا نیوز) اسلام آباد ہائی کورٹ نے آئندہ ہفتے کیسز کی سماعت کے لیے ججز کا ڈیوٹی روسٹر جاری کر دیا۔
روسٹر کے مطابق 20 اکتوبر سے 24 اکتوبر تک 9 ججز سنگل بنچز میں کیسز کی سماعت کریں گے جبکہ آئندہ ہفتے 3 ڈویژن بنچ اور ایک سپیشل ڈویژن بنچ کیسز کی سماعت کے لیے دستیاب ہوں گے۔
سنگل بنچز میں چیف جسٹس سردار محمد سرفراز ڈوگر، جسٹس محسن اختر کیانی، جسٹس طارق محمود جہانگیری، جسٹس ارباب محمد طاہر، جسٹس ثمن رفعت، جسٹس خادم سومرو، جسٹس محمد اعظم خان، جسٹس محمد آصف اور جسٹس انعام امین منہاس شامل ہیں۔
پہلا ڈویژن بنچ چیف جسٹس سردار محمد سرفراز ڈوگر اور جسٹس خادم حسین سومرو پر مشتمل ہو گا جبکہ سپیشل ڈویژن بنچ ٹیکس سے متعلق کیسز کی سماعت کرے گا جو جسٹس بابر ستار اور جسٹس سردار اعجاز اسحاق خان پر مشتمل ہے۔
تیسرا ڈویژن بنچ جسٹس ارباب محمد طاہر اور جسٹس انعام امین منہاس پر مشتمل ہو گا جبکہ چوتھے ڈویژن بنچ میں جسٹس اعظم خان اور جسٹس محمد آصف شامل ہوں گے تاہم سینئر جج جسٹس محسن اختر کیانی آئندہ ہفتے بھی کسی ڈویژن بنچ کا حصہ نہیں ہوں گے۔
