اسلام آباد: (دنیا نیوز) خیبر پختونخوا اور پنجاب میں ضمنی انتخابات کے تناظر میں الیکشن کمیشن نے ذرائع ابلاغ کے لیے ضابطہ اخلاق جاری کر دیا۔
ترجمان الیکشن کمیشن کے مطابق کوئی بھی میڈیا ادارہ پولنگ سٹیشن کے غیر سرکاری نتائج پولنگ کے اختتام کے کم از کم ایک گھنٹے بعد سے نشر کرے گا۔
الیکشن کمیشن کے مطابق ایسے نتائج کی اشاعت، نشر کے ہمراہ یہ واضح ہوگا کہ یہ نتائج غیر حتمی اور جزوی ہیں، خلاف ورزی کی صورت میں کمیشن متعلقہ حکام سے مناسب تادیبی کارروائی کیلئے لازماً رجوع کرے گا۔
ترجمان الیکشن کمیشن نے کہا کہ کسی بھی حلقے کا حتمی اور سرکاری نتیجہ صرف متعلقہ ریٹرننگ آفیسر ہی جاری کرنے کا مجاز ہوگا۔
