کراچی: (دنیا نیوز) سابق ایم کیو ایم رہنما مرحوم ڈاکٹر عمران فاروق کی اہلیہ کا جسدِ خاکی استنبول سے کراچی پہنچ گیا۔
مرحوم ڈاکٹر عمران فاروق کے اہلِ خانہ، قریبی عزیز و اقارب اور پارٹی رہنماؤں کی بڑی تعداد ایئرپورٹ پر موجود تھی، جسدِ خاکی وصول کرنے کیلئے متحدہ قومی موومنٹ (ایم کیو ایم) پاکستان کے رہنما کراچی اولڈ ٹرمنل پہنچے جہاں مرحومہ کیلئے دعائے مغفرت کی گئی۔
اس موقع پر پارٹی رہنماؤں نے اہلِ خانہ سے اظہارِ تعزیت کیا اور دکھ کی اس گھڑی میں مکمل یکجہتی کا اظہار کیا، میت وصول کرنے والوں میں ایم کیو ایم پاکستان کے سینئر رہنما ڈاکٹر فاروق ستار، اراکینِ مرکزی کمیٹی اور سندھ اسمبلی میں اپوزیشن لیڈر علی خورشیدی بھی شامل تھے۔
عمران فاروق کی اہلیہ کی میت پی آئی بی کالونی کے سرد خانے میں رکھی گئی ہے۔
