ہانگ کانگ: (روزنامہ دنیا) یوکرائن کی خاتون ٹینس سٹار ڈیانا یاسٹرمسکا نے ہانگ کانگ اوپن ٹینس ویمنز سنگلز ٹائٹل اپنے نام کر لیا۔
یوکرائن کی خاتون ٹینس سٹار ڈیانا یاسٹرمسکا نے فیصلہ کن معرکے میں چینی پلیئر وانگ قیانگ کو شکست دے کر کیریئر کا پہلا ڈبلیو ٹی اے ٹائٹل جیتنے کا اعزاز حاصل کیا۔ ڈیانا یاسٹرمسکا نے فائنل میں سٹریٹ سیٹس میں 6-2 اور 6-1 سے کامیابی حاصل کی۔ ڈیانا نے میڈیا سے گفتگو کرتے ہوئے کہا کہ پہلا ڈبلیو ٹی اے ٹائٹل جیتنے پر خوشی کو الفاظ میں بیاں نہیں کر سکتی، کوشش ہوگی کہ مستقبل میں عمدہ کارکردگی کے تسلسل کو برقرار رکھوں۔
