کلکتہ: (دنیا نیوز) بھارتی شہر ہوگلی میں بس نہر میں جاگری، حادثہ میں 6 افراد ہلاک،20زخمی ہو گئے۔
مقامی میڈیا کے مطابق بس کلکتہ کی طرف جا رہی تھی کہ تیز رفتاری کے باعث بے قابو ہو کر داکاٹیا نہر میں جا گری۔ حکام کا کہنا ہے کہ حادثے میں زخمی ہونے والے افراد کو مقامی اسپتال طبی امداد کے لیے منتقل کر دیا گیا ہے۔
پولیس کے مطابق تین افراد موقع پر جبکہ تین افراد اسپتال منتقل کروانے کے دوران زخموں کی تاب نہ لاتے ہوئے دم توڑ گئے ۔
