لندن: (دنیا نیوز) رِنگ میں مخالفین کے چھکے چھڑانے والا پھر بیوی کے ہاتھوں ناک آؤٹ ہو گیا۔ پاکستانی نژاد برطانوی باکسر عامر خان کے والدین نے کہا ہے کہ فریال نے ہم سے بیٹا چھین لیا۔
پاکستانی نژاد برطانوی باکسر عامر خان کے والدین کا کہنا ہے کہ بیٹے نے 6 ماہ سے ان سے کوئی رابطہ نہیں کیا۔ انہوں نے الزام عائد کیا کہ بیٹے کو خاندان سے دور رکھنے کی اصل وجہ بہو فریال مخدوم اور ان کی والدہ ہیں۔
پاکستانی نژاد برطانوی باکسر کے والدین کے مطابق عامرخان شادی سے پہلے والدین کے بہت قریب تھے، تاہم ان کا کہنا ہے کہ فرالط مخدوم سے شادی کے بعد خاندان میں دراڑیں پڑ گئیں جو وقت کے ساتھ ساتھ دراز ہوتی جا رہی ہیں۔
