ایمسٹرڈیم: (ویب ڈیسک) ہالینڈ کی ٹیم کے سامنے پاکستانی کھلاڑی بے بس نظر آئے۔ ہالینڈ نے 6 گول کیے جس کے جواب میں پاکستانی ٹیم صرف ایک ہی گول کر پائی۔
یاد رہے کہ آج پاکستان کو ٹوکیو اولمپکس میں جگہ بنانے کے لیے میچ جیتنا لازمی تھا۔ گزشتہ روز پاکستان اور ہالینڈ کے درمیان میچ 4، 4 گول سے برابر رہا تھا۔
گزشتہ روز پاکستان کی طرف سے مبشر علی نے دو جبکہ محمد رضوان اور غضنفر علی نے ایک ایک گول سکور کیا تھا۔ آج کے میچ میں ہالینڈ کی جانب سے کیلرمین بجورن، ویندر ویدرن منک، پیٹرس ٹیرنس اور جینسن جیپ نے گول سکور کیے جبکہ پاکستان کی جانب سے واحد گول رضوان علی نے کیا۔
قومی ٹیم مبشر علی کی بدولت ابتدائی گول کرنے میں کامیاب ہوگئی، میزبان ٹیم نے مقابلہ برابر کرنے کی پوری کوشش کی اور20 ویں منٹ میں منک وینڈرویرڈن نے ہالینڈ کی طرف سے پہلا گول کر کے مقابلہ برابر کر دیا۔
اگلے ہی منٹ میں بیورن کیلرمین نے ایک اور گول کرکے اپنی ٹیم کو برتری دلا دی تاہم غضنفرعلی نے جلد ہی حساب چکتا کر دیا اور مقابلہ پھر دو دو گول سے برابر ہو گیا تھا۔
میچ کے آخری کوارٹر میں دونوں ٹیموں نے چار، چار گول اسکور کیے تھے جس کے سبب میچ ڈرا ہو گیا تھا۔
