بیجنگ :(دنیا نیوز) سرمائی اولمپکس گیمز میں آئس ہاکی میں سنسنی خیز مقابلہ ہوا، دو دو سے برابر میچ کا فیصلہ شوٹ آؤٹس پر ہوا جس کے بعد سلو واکیہ نے امریکی ٹیم کو اپ سیٹ شکست دیکر سیمی فائنل میں جگہ بنا لی ہے۔
چین میں جاری اولمپکس مقابلوں میں ٹھنڈے ٹریک پر گرمجوشیاں دیکھی گئیں، فیورٹ ٹیم امریکا کا سلوواکیہ سے مقابلہ ہوا، آئس ہاکی ٹریک پر کھلاڑی اِن ایکشن ہوئے، توازن، پھرتی، مہارت اور نشانہ بازی اس وقت اعصاب شکن ہوئی جب مقابلہ دو دو سے برابر ہو گیا۔
شوٹ آؤٹس میں حیران کن طور پر سلوواکیہ نے تگڑے حریف امریکا کو ہرا دیا اور سیمی فائنل کے لیے کوالیفائی کر لیا۔
