ریاض: (ویب ڈیسک) فٹبال کی دنیا کے سپر سٹار کرسٹیانو رونالڈو نے سعودی عرب میں اپنا ویلنٹائن ڈے سادگی کے ساتھ منایا۔
سماجی رابطے کی ویب سائٹ انسٹاگرام پر پرتگال کے فٹبالر کرسٹیانو رونالڈو اور ان کی پارٹنر جورجینا روڈریگز نے سعودی عرب میں ویلنٹائن ڈے مناتے ہوئے مشترکہ تصویر شیئر کی جس میں سٹار جوڑے کو مسکراتے ہوئے دیکھا جا سکتا ہے۔
کرسٹیانو رونالڈو نے ویلنٹائن ڈے کے موقع پر اپنی پارٹنر اور ماڈل جورجینا روڈریگز کیلئے انسٹاگرام پر شیئر کی گئی تصویر میں محبت بھرا پیغام بھی لکھا، سٹار فٹبالر نے جورجینا کو مخاطب کرتے ہوئے کہا میرے پیار کو ویلنٹائنز ڈے مبارک ہو، تمہیں اپنی زندگی میں پا کر میں بہت خوش ہوں۔
کرسٹیانو رونالڈو کی جانب سے شیئر کی گئی تصویر کو مداحوں کی جانب سے بے حد پسند کیا گیا، واضح رہے پرتگالی سٹار کے انسٹاگرام پر 54 کروڑ سے زائد فالورز ہیں، گزشتہ سال ال ںصر کلب سے معاہدہ کرنے کے بعد سے وہ سعودی عرب میں مقیم ہیں۔
کرسٹیانو رونالڈو کو زندگی کے خاص موقعوں پر چھٹیاں گزارتے ہوئے زیادہ تر جزیروں پر ہی دیکھا گیا ہے لیکن اس بار انہوں نے ویلنٹائن ڈے پر سعودی عرب میں موجود رہائش گاہ سے اپنی پارٹنر کے ساتھ محبت کا اظہار کیا ہے۔
