ریاض: (ویب ڈیسک) سعودی کلب نے اعلان کیا کہ لیورپول سے تعلق رکھنے والے برازیل کے مڈ فیلڈر فابينيو نے الاتحاد میں شمولیت کے لیے تین سالہ معاہدہ کیا ہے۔
الاتحاد نے اپنے سوشل میڈیا پلیٹ فارم ٹوئٹر پر کلب کے آفیشل اکاؤنٹ پر فابينيو کو خوش آمدید کہا، فابينيو جدہ میں قائم کلب میں بالن ڈی اور کے فاتح کریم بینزیما اور چیلسی کے سابق مڈفیلڈر این گولو کانٹے کے ساتھ شامل ہوں گے۔
— Ittihad Club (@ittihad_) July 31, 2023
مالی معاملات کی تفصیلات ظاہر نہیں کی گئیں لیکن برطانوی میڈیا نے رپورٹ کیا ہے کہ سعودی پرو لیگ چیمپئنز نے 29 سالہ نوجوان کھلاڑی کو 40 ملین پاؤنڈ ادا کیے ہیں۔
برازیل کے اس بین الاقوامی کھلاڑی نے 2018 میں اپنی آمد کے بعد سے اب تک لیورپول کے لیے 219 میچز کھیلے اور ٹیم کو پریمیئر لیگ، چیمپئنز لیگ، ایف اے کپ، لیگ کپ اور یو ای ایف اے سپر کپ کے اعزازات جیتنے میں مدد کی۔
