سڈنی : (ویب ڈیسک ) فیفا ویمن ورلڈکپ کے کوارٹر فائنل میں آسٹریلیا نے پنالٹی شوٹس آؤٹ پر فرانس کو شکست دے کر سیمی فائنل کے لیے کوالیفائی کر لیا۔
فیفا ویمن ورلڈ کپ میں شاندار مقابلوں کا سلسلہ جاری ہے ، آسٹریلیا اور فرانس کے درمیان کوارٹر فائنل میں فل ٹائم میں دونوں ٹیمیں کوئی گول نہ کر سکیں اور میچ بغیر کسی گول کے برابر رہا جس کے بعد دونوں ٹیموں کو اضافی وقت دیا گیا لیکن اس دوران بھی کوئی ٹیم گول سکور نہ کر سکی جس کے باعث میچ کا مقابلہ پنالٹی شوٹس پر ہوا۔
Hang it in the Louvre #Matildas #FIFAWWC #TilitsDone pic.twitter.com/5nZAavnILD
— CommBank Matildas (@TheMatildas) August 12, 2023
آسٹریلیا نے فرانس کو سنسنی خیز مقابلے کے بعد پنالٹی شوٹ آؤٹ سڈن ڈیتھ پر شکست دی، آسٹریلیا نے پنالٹی شوٹس پر 7 گول سکور کیے جبکہ فرانس نے 6 گول سکور کیے اور گول کرنے کے 3 مواقع ضائع بھی کیے ۔
