ریاض: (ویب ڈیسک) برازیلین سپر سٹار نیمار جونیئر ریاض کے سٹیڈیم میں منعقدہ ایک شاندار تقریب میں پہلی مرتبہ اپنے مداحوں کے سامنے آئے جہاں الہلال کلب نے سٹار پلیئر کو متعارف کرایا۔
تفصیلات کے مطابق نیمار سعودی کلب الہلال میں شامل ہونے والے نئے عالمی شہرت یافتہ سپر سٹار بن گئے اس سے قبل فٹبالر کا ریاض پہنچے تو کنگ خالد انٹر نیشنل ایئرپورٹ پر الہلال فٹبال کلب کی انتظامیہ نے ان کا استقبال کیا۔
— Neymar Jr (@neymarjr) August 19, 2023
نیمار نے اس تقریب میں گفتگو کرتے ہوئے کہا کہ یہ دلچسپ ہے، دوسری ٹیموں میں اعلی معیار کے کھلاڑیوں سے ملنا آپ کو خوش کرتا ہے اور مزید بہتر کھیلنے کی ترغیب دیتا ہے۔
انہوں نے کہا کہ جب ہم رونالڈو، بینزیما اور فرمینو کا سامنا کرتے ہیں تو ہمارا جوش وخروش اور بھی بڑھ جاتا ہے میں اس لیگ میں شامل ہونے پر خوش ہوں ان سٹارز کا سامنا کرنا شاندار ہوگا۔
— AlHilal Saudi Club (@Alhilal_EN) August 19, 2023
غیر ملکی میڈیا کے مطابق ریاض میں الہلال کے 68 ہزار افراد کی گنجائش والے سٹیڈیم میں دو دیگر فٹبال اسٹارز برازیلین اسٹار میلکم اور مراکش کے گول کیپر یاسین بونو کے ساتھ نیمار کا استقبال کیا گیا۔
