لاہور: (ویب ڈیسک) پاکستان سمیت دنیا کے مخلتف ممالک میں سماجی رابطوں کی مشہور ویب سائٹ فیس بک میں خرابی کی وجہ سے صارفین کو مشکلات کا سامنا کرنا پڑ رہا ہے۔
فیس بک کے صارفین اپنے پیغامات میں پریشانی کا اظہار کرتے ہوئے شکایت کرتے نظر آ رہے ہیں کیونکہ وہ اپنی پروفائلز، گروپس اور پیجز میں مواد شیئر نہیں کر پا رہے ہیں۔
سوشل نیٹ ورکنگ سائٹ کے ساتھ یہ مسئلہ دوپہر سے شروع ہوا۔ کہا جا رہا ہے کہ یورپی ممالک اور برازیل کے فیس بک ڈاؤن ہونے سے صارفین زیادہ متاثر ہوئے ہیں۔ صارفین نے ٹویٹر کا رخ کرتے ہوئے اس مسئلے پر گفتگو کر رہے ہیں۔
