خلاصہ
- اسلام آباد:(ویب ڈیسک) وزیراعظم شہباز شریف کی جانب سے بڑا اقدام سامنے آیا ہے جس کے مطابق اب موبائل فون صارفین کا ڈیٹا بغیر اجازت تشہیری کمپنیوں کو دینے پر جرمانہ عائد کیا جائے گا۔
صارفین کی جانب سے شکایات کے بعد وزیرِ اعظم کی ہدایت پر پاکستان ٹیلی کمیونیکیشن اتھارٹی (پی ٹی اے) نے ڈیٹا کے تحفظ کیلئے عملی اقدامات کے نفاذ کا آغاز کردیا ہے۔
سٹریٹجک ریفارمز سلمان صوفی نے کہا کہ موبائل فون صارفین کا ڈیٹا بغیر اجازت تشہیری کمپنیوں کو فراہم کرنے پر پی ٹی اے کو ٹیلی کمیونیکیشن کمپنیز کے خلاف جرمانہ عائد کرنے کی ہدایت دی گئی ہے، جون کے آخر تک اس حوالے سے تمام تکنیکی ضابطے مکمل کر لیے جائیں گے۔
Privacy of citizens data with telcos
— Salman Sufi (@SalmanSufi7) June 17, 2022
A opt-in and opt-out system is being implemented by @PTAofficialpk
With a link to opt-out at the end of each marketing message, a customer will be able to put themself on the SMS marketing block list of that specific Marketer.#TeamPMO pic.twitter.com/TeNVS3zmbd
مزید اصلاحات کیلئے اگلے ماہ جولائی میں صارفین کی کانفرنس میں مزید تجاویز کو پالیسی کا حصہ بنا کر اطلاق کیا جائے گا۔
انہوں نے مزید کہا کہ پاکستان میں پہلی مرتبہ حکومت سنجیدگی سے صارفین کے ڈیٹا کے تحفظ کیلئے اقدامات اٹھا رہی ہے۔
سلمان صوفی کا کہنا تھا کہ تشہیری میسیجز کو وصول کرنے یا ان پر پابندی لگانے کا مکمل اختیار موبائل فون صارف کو فراہم کر دیا گیا ہے۔
