نیویارک(ویب ڈیسک) ایلون مسک نے ویریفائیڈ ٹوئٹر اکائونٹس کے لیے تین رنگوں کے ٹِک استعمال کرنے کا اعلان کر دیا۔
دنیا کے امیر ترین شخص ایلون مسک کی طرف سے مائیکروبلاگنگ پلیٹ فارم کو خریدے جانے کے بعد سے ویریفکیشن معطل تھی، جسے اب ایک ٹویٹ کے ذریعے ایلون مسک نے ری لانچ کرنے کا اعلان کیا ہے۔
ایلون مسک نے اپنی ٹویٹ میں کہا ہے کہ دسمبر کے آغاز سے ٹوئٹر بلیو ٹک ویریفکیشن پروگرام کو ری لانچ کیا جا رہا ہے، تاہم سبسکرپشن پر مبنی ویریفکیشن سسٹم کو اس وقت تک متعارف نہیں کرایا جائے گا جب تک اس امر کو یقینی نہیں بنا لیا جاتا کہ اس کا غلط استعمال نہیں ہو گا۔
All verified individual humans will have same blue check, as boundary of what constitutes “notable” is otherwise too subjective.
— Elon Musk (@elonmusk) November 25, 2022
Individuals can have secondary tiny logo showing they belong to an org if verified as such by that org.
Longer explanation next week.
ٹیسلا کے چیف ایگزیکٹیو آفیسر نے تین رنگوں کے ٹِک کی تفصیل بتاتے ہوئے کہا کہ گولڈ ٹِک کمپنیوں کے لیے، گرے رنگ کی ٹِک حکومتی اکائونٹس کے لیے اور بلیو ٹک شخصیات کے لیے ہو گی۔ ہر اکائونٹ کی ویریفیکیشن سے قبل اس کے مستند ہونے کی تصدیق کی جائے گی۔
