اسلام آباد: (دنیا نیوز) روپے کی قدر میں بے یقینی سے ٹیلی کام انڈسٹری شدید مشکلات کا شکار ہو گئی، ٹیلی کام لائسنس فیس ڈالر سے منسلک کرنے کے منفی نتائج سامنے آ رہے ہیں جس سے پاکستان کی ڈیجیٹل ترقی کا سفر رکنے کا خدشہ پیدا ہو گیا ہے۔
اس حوالے سے سی ای او ٹیلی کام کمپنی کا کہنا تھا کہ گزشتہ سال لائسنس کی تجدید کی 50 فیصد ادائیگی کی مد میں 44.5 ارب روپے ادا کیے، رواں سال 10 فیصد قسط کی مد میں 13 ارب روپے کی ادائیگی کی گئی۔
انہوں نے بتایا کہ روپے کی قدر میں عدم استحکام اور بے یقینی نے آئندہ سال قسط کی مالیت کا تعین مشکل بنا دیا ہے، روپے کی قدر کے بارے میں بے یقینی نے ٹیلی کام کمپنیوں کے بزنس پلان درہم برہم کر دیے ہیں، ٹیلی کام لائسنس فیس کو ڈالر سے منسلک کرنے سے پاکستان کی ڈیجیٹل ترقی کا سفر رکنے کا خدشہ ہے۔
