کیلیفورنیا: (ویب ڈیسک) یوٹیوب نے رازداری کے رہنما خطوط نافذ کئے ہیں جو لوگوں کو AI سے تیار کردہ ویڈیوز کو ہٹانے کی درخواست کرنے کی اجازت دیتے ہیں جو ان کی نقل کرتے ہیں۔
غیر ملکی خبر رساں ایجنسی کے مطابق یوٹیوب نے صارفین کو نئے قوانین کی یقین دہانی کرا دی ہے۔
ادارے نے کہا ہے کہ اگر کسی نے اے آئی کے ذریعے کسی صارف کی ویڈیوز کو تبدیل کرنے یا تخلیق کرنے کیلئے استعمال کیا ہے جو اصل صارف جیسا لگتا ہے تو اسے ہٹانے کیلئے درخواست دی جا سکتی ہے جس پر 48 گھنٹوں میں عملدرآمد کیا جائے گا۔
اصول و ضوابط میں کہا گیا ہے کہ ایسی ویڈیوز کو ہٹانے کیلئے ضروری ہوگا کہ مواد میں آپ کی تبدیل شدہ حقیقت پسندانہ مشابہت ہو جو اے آئی ورژن میں دکھایا گیا ہو۔
شکایت کا جائزہ لیتے وقت درج ذیل دیگر مختلف عوامل پر بھی غور کیا جائے گا، ویڈیو اے آئی سے تبدیل کیا گیا ہو، ویڈیو کو ناظرین کیلئے تبدیل شدہ یا اے آئی کے طور پر ظاہر کیا گیا ہو، ویڈیو میں صارف کی شناخت کی جا سکتی ہو، ویڈیو حقیقت پسندانہ ہو اور ویڈیو میں مزاحیہ نقالی، طنز یا دیگر عوامی مفاد سے متعلق مواد ہو۔
