کیلیفورنیا: (ویب ڈیسک) انسٹنٹ میسیجنگ ایپلی کیشن واٹس ایپ پر ایک ساتھ پوسٹر کی طرح متعدد تصاویر کو شیئر کرنے کا فیچر پیش کر دیا گیا۔
واٹس ایپ پر متعدد تصاویر کو ایک ہی تصویر میں سٹیکرز کی طرح شیئر کرنے کے فیچر کی آزمائش فروری 2025 میں شروع کی گئی تھی، تاہم کئی ماہ تک آزمائش کے بعد اب مذکورہ فیچر کو تمام صارفین کیلئے پیش کردیا گیا، اب صارفین ایک ہی تصویر میں متعدد تصاویر شیئر کر سکیں گے۔
فیچر کے تحت جیسے ہی صارفین سٹیٹس یا سٹوری میں اپنی تصاویر شیئر کرنا چاہیں گے تو انہیں متعدد آپشن نظر آتے ہیں۔
صارفین کو سٹیٹس شیئر کرنے کے بعد میوزک، ٹیکسٹ اور ویڈیو سمیت لے آؤٹ کا آپشن فراہم کیا جاتا ہے۔
صارفین ایک ہی تصویر میں متعدد تصاویر کو شیئر کرنے کیلئے لے آؤٹ کے آپشن کو کلک کریں گے، جس کے بعد وہ متعدد تصاویر کو ایک ہی تصویر میں شیئر کر سکیں گے، واٹس ایپ کے مطابق ایک لے آؤٹ میں بیک وقت صارفین 6 تصاویر کو شیئر کر سکیں گے۔
صارفین کے پاس یہ اختیار بھی ہے کہ اگر وہ ایک ہی تصویر کو تمام تصاویر میں رکھنا چاہیں تو بھی ان کی تصاویر شیئر ہوجائیں گی، فیچر کے تحت تصاویر لے آؤٹ میں جانے کے بعد سٹوری میں چھوٹی نظر آئیں گی اور وہ ایک فریم کی طرح دکھائی دیں گی۔
ابھی فوری طور پر مذکورہ فیچر کے تحت صرف ایک ہی تصویر میں 6 تصاویر تک کو شیئر کیا جا سکے گا تاہم امکان ہے کہ مستقبل میں اس میں تصاویر کی حد مزید بڑھائی جائے گی۔
علاوہ ازیں ممکنہ طور پر مستقبل میں مذکورہ فیچر کے تحت سٹیٹس میں متعدد ویڈیوز کو بھی فریم کی صورت میں شیئر کرنے کا آپشن فراہم کیا جائے گا، تاہم اس حوالے سے کچھ بھی کہنا قبل از وقت ہے۔
