کیلیفورنیا: (ویب ڈیسک) سرچ انجن گوگل نے پاکستان میں گوگل اے آئی پلس پلان متعارف کرانے کا اعلان کیا ہے۔
گوگل کا نیا پلان صارفین کو گوگل اے آئی کے ذریعے مزید کام کرنے کیلئے بااختیار بنانے کی غرض سے ڈیزائن کیا گیا ہے، یہ نیا پلان لوگوں کو اپنی پیداواری اور تخلیقی صلاحیتوں کو بڑھانے میں مدد کرنے کیلئے طاقتور اے آئی ٹولز تک اضافی رسائی فراہم کرتا ہے اور یہ سب نہایت باکفایت قیمت پر دستیاب ہیں۔
گوگل اے آئی پلس پلان کے تحت پاکستان میں صارفین درج ذیل فوائد حاصل کر سکتے ہیں:
- جیمنائی اِیپ میں امیج جنریشن اور ایڈیٹنگ یعنی Nano Banana کیلئے زیادہ گنجائش
- جیمنائی 2.5 پرو تک مزید رسائی، جو پیچیدہ سوالات کیلئے گوگل کا سب سے طاقتور اے آئی ماڈل ہے
- ویڈیو جنریشن ماڈل Veo 3 Fast تک رسائی، جو جیمنائی، Whisk، اور Flow میں دستیاب ہے
- جی میل، ڈاکس، شیٹس اور دیگر گوگل سروسز میں جیمنائی کا انضمام
- فوٹوز، ڈرائیو، اور جی میل میں 200 جی بی اسٹوریج کی سہولت
اے آئی پلس کے حوالے سے گوگل پاکستان کے کنٹری ڈائریکٹر فرحان قریشی نے کہا کہ ’’پاکستان کا ڈیجیٹل منظر نامہ تیزی سے ترقی کر رہا ہے اور ہمیں پاکستانیوں کی تخلیقی صلاحیتوں نے متاثر کیا ہے جو انہوں نے اے آئی ٹولز کو اپنانے میں دکھائی ہیں۔‘‘
انہوں نے کہا کہ ’’گوگل اے آئی پلس کی صورت میں ہم ان ٹولز کو ملک بھر میں زیادہ سے زیادہ لوگوں کیلئے قابل رسائی بنا رہے ہیں، یہ پاکستان کی ڈیجیٹل تبدیلی کو فروغ دینے کے ہمارے عزم کا بنیادی حصہ ہے تاکہ ہر شخص اپنی پیداواری صلاحیت، تخلیقی صلاحیت اور سیکھنے کے عمل کو اے آئی کے ذریعے بہتر بنا سکے۔‘‘
اس کے علاوہ صارفین اپنے خاندان کے پانچ دیگر افراد کے ساتھ بھی، ورک اسپیس میں جیمنائی سے لے کر 200 جی بی سٹوریج تک، تمام فوائد شیئر کر سکتے ہیں، اس طرح ہر فرد ایک ہی پلان کے تحت بہتر گوگل کا تجربہ حاصل کرسکتا ہے۔
گوگل اے آئی پلس آج سے پاکستان میں ایک ہزار 400 روپے ماہانہ پر دستیاب ہے، محدود مدت کیلئے، پہلی مرتبہ سبسکرائب کرانے والے صارفین کو ابتدائی چھ ماہ کیلئے 50 فیصد رعایت دی جائے گی، گوگل اے آئی پلس کے بارے میں مزید معلومات دستیاب ہے۔
