لاہور(نیٹ نیوز) برطانوی کاؤنٹی سمرسیٹ میں داڑھی مونچھوں کی پانچویں سالانہ چیمپئن شپ کا انعقاد کیا گیا
عجیب و غریب اور منفردانداز کی داڑھی مونچھوں کے حامل 200 سے زائد شرکا نے دی ہینڈل بار کلب میں ہونیوالی اس چیمپئن شپ میں حصہ لیا۔
10 سے زائد کیٹیگریز پر مشتمل اس چیمپئن شپ میں انوکھی، قدرتی اور فری سٹائل کے مقابلوں میں شامل شرکا نے سنواری ہوئی مختلف انداز سے آراستہ داڑھی مونچھوں کی نمائش کی جنہیں کئی ججوں پر مشتمل ٹیم کی جانب سے نمبر دئیے گئے ۔
