لاہور: (روزنامہ دنیا) کرسمس کی آمد میں ابھی کچھ روز مزیدباقی ہیں اور دنیا بھر میں جہاں کرسمس کی تیاریاں زور و شور سے جاری ہیں وہیں ایڈونچرکے شوقین منچلے بھی سانتا کلاز کا روپ دھارے کرتب بازی کا شوق پورا کرنے نکل پڑے ہیں۔
ویڈیو میں نظر آنے والے ایڈونچر کے شوقین اس سانتا کلاز کو ہی دیکھ لیں جسے پرندوں کی طرح آسمان پر اُڑنے کا شوق چڑھا تو پیرا گلائیڈنگ کرنے نکل پڑا۔ فرانس سے تعلق رکھنے والے جیکی ہربرٹ نامی شخص نے سانتا کلاز کا روپ دھارا اور اپنے دوست کرسٹیان مالیک کے ساتھ درجنوں پرندوں پر مشتمل جھنڈ کے درمیان نہ صرف پیراگلائیڈنگ کا شاندار مظاہرہ کیا بلکہ پرندوں کے بدلتے رُخ کے ساتھ خود بھی اُسی سمت آسمان پر اُڑنے کا مظاہرہ کچھ اس انداز میں کیا کہ جیسے خود بھی کوئی پرندہ ہی ہو۔
جیکی کے ایڈونچے نے دیکھنے والوں کو جہاں حیران کر دیا وہاں مہم جوئی کے شوقین متعدد نوجوانوں نے ان کے ساتھ ایک اور سفر کا منصوبہ بنا لیا۔
