ٹوکیو: (ویب ڈیسک) جاپان میں تاجر کیوشی کیمورا نے مچھلی کی سالانہ نیلامی میں 278 کلو وزنی بلو فن ٹیونا مچھلی کو 3.1 ملین ڈالر میں خرید کر عالمی ریکارڈ قائم کرلیا،یہ مچھلی 278 کلو وزنی ہے اور اب تک فروخت ہونے والی مچھلیوں میں سب سے مہنگی ہے۔
غیر ملکی خبر رساں ادارے کے مطابق ٹوکیو میں ہونے والی مچھلی کی نیلامی میں سوشی ٹائیکون کیوشی کیمورا نے دنیا کی سب سے مہنگی مچھلی خریدنے کا ریکارڈ قائم کردیا۔ نایاب نسل کی اس مچھلی کو گزشتہ برس 6 لاکھ 36 ہزار ڈالر میں خریدا گیا تھا۔یہ ٹسوکیجی فش مارکیٹ میں ہونے والی سالانہ نیلامی میں فروخت ہونے والی سب سے مہنگی مچھلی ہے۔ ماضی کی طرح اس سال بھی کیوشی کیمورا مچھلی کو اپنے فوڈ چین میں فروخت کرنے کا ارادہ رکھتے ہیں۔کیوشی کیمورا ٹیونا مچھلی کے ایک ٹکڑے کو 500 ڈالر تک فروخت کرتے ہیں، نیلامی کے بعد کیوشی اور دیگر شیف نے مچھلی کیٹکڑے کیے جب کہ ذائقہ دار مچھلی کے دلدادہ مچھلی کے ریسٹورینٹ میں تیار ہونے کے منتظر ہیں۔واضح رہے کہ اٹلانٹک بلوفن ٹیونا ایک نایاب مچھلی ہے اور جاپان میں اسے بڑے شوق سے کھایا جاتا ہے اور ہر سال ٹوکیو میں اس مچھلی کی نیلامی کی جاتی ہے تاہم بہت سے مغربی ممالک میں اس مچھلی کے شکار پر پابندی ہے۔
