ایڈاہو: (روزنامہ دنیا) اپنی نوعیت کا منفرد اور انوکھا واقعہ امریکی ریاست ایڈاہو میں پیش آیا جہاں پرائیوٹ طیارہ انجن کی خرابی کے باعث ہچکولے کھاتا ہوا زمین کی طرف آرہا تھا کہ جنگل کے ایک طویل درخت پر پھنس گیا۔
میڈیا رپورٹ کے مطابق زمین پر گرنے کی بجائے درخت پر پھنسنے سے نہ صرف طیارہ محفوظ رہا بلکہ پائلٹ کو بھی نئی زندگی مل گئی اور خوش قسمتی سے طیارے میں آگ بھی نہیں لگی۔
حادثے کے باعث طیارے کا صرف ایک پہیہ گرا اور معمولی سے ڈینٹ آنے کے علاوہ طیارے کو کوئی نقصان نہیں پہنچا۔ قریبی علاقے میں موجود لوگوں نے امدادی کارروائیوں کیلئے ریسکیو اہلکاروں کو طلب تو کر لیا تاہم جائے حادثہ پر پہنچ کر وہ پائلٹ کی خوش قسمتی پر اش اش کر اٹھے۔
