کوالالمپور: (روزنامہ دنیا) ملائیشیا سے تعلق رکھنے والے 87 سالہ ضعیف العمر نے گریجویشن کی ڈگری حاصل کر لی۔
میڈیا رپورٹ کے مطابق ضعیف شخص کی پوتی کی جانب سے لی گئی تصاویر میں دیکھا جا سکتا ہے کہ اسکے دادا نے کانووکیشن کی تقریب کے دوران سر پر کیپ اور گاؤن زیب تن کیا ہوا تھا۔
پوتی کے مطابق اس کے دادا نے 87 سال کی عمر میں انگلش لینگوئج ٹیچنگ کی ڈگری حاصل کی ہے۔ اس کا مزید کہنا تھا کہ دادا کو ڈگری کی کوئی پروا نہیں تھی، اُنہیں صرف پڑھائی سے بہت محبت اور لگن تھی، یہی وجہ ہے کہ اُنہوں نے اِس عمر میں گریجویشن کی ڈگری حاصل کر لی۔
