ایڈن برگ: (روزنامہ دنیا) شوق اپنی جگہ لیکن بعض اوقات خطرناک قسم کے سٹنٹ جان لیوا بھی ثابت ہو سکتے ہیں، سکاٹ لینڈ میں منچلے کوایڈونچر کا شوق مہنگا پڑ گیا، بیس جمپنگ کے دوران پہاڑ سے جا ٹکرایا۔
میڈیا رپورٹ کے مطابق یہ واقعہ سکاٹ لینڈ کے پہاڑی علاقے میں پیش آیا جہاں سام پرسیول نامی خطروں کا کھلاڑی سینکڑوں فٹ بلند پہاڑ سے چھلانگ لگاتے ہوئے بیس جمپنگ کا شوق پورا کر رہا تھا کہ تیز ہواؤں نے اسے مشکل میں ڈال دیا اور وہ پہاڑ سے بری طرح جا ٹکرایا۔
پہاڑ سے ٹکرانے کے باعث نوجوان زخمی ہوا تاہم اس کی زندگی بچ گئی۔ اسے ہسپتال لے جایا گیا جہاں ڈاکٹروں نے اس کی حالت خطرے سے باہر بتائی۔
