میکسیکو سٹی: (ویب ڈیسک) دنیا بھر میں چین سے جنم لینے والے کورونا وائرس کے باعث تقریباً ایک لاکھ افراد زندگی کی بازی ہار گئے ہیں جبکہ اس مہلک وباء کے ساتھ مختلف ممالک جنگ کر رہے ہیں، تاہم میکسیکو سے حیران کن خبر سامنے آئی ہے جہاں پر کورونا وائرس سے متعلق احتیاطی تدابیر بتانے بیٹ مین میدان میں آ گیا۔
تفصیلات کے مطابق کورونا وائرس سے متعلق آگاہی فراہم کرنے کے لیے عالمی اداراہ صحت سمیت متعدد سوشل میڈیا پلیٹ فارمز اور حکام سرگرم ہیں اور وائرس کے پھیلاؤ کو روکنے کیلئے ہر ممکنہ کوششیں کر رہے ہیں۔
خبر رساں ادارے کے مطابق میکسیکو کے شہر کی سڑکوں پر کورونا وائرس کے پھیلاؤ کو روکنے کے لیے لوگوں کو سماجی دوری اختیار کرنے کی آگاہی فراہم کرنے کے لیے بیٹ مین میدان میں اتر آیا ہے۔
#BATMAN PATRULLA MONTERREY
— Portal MX (desde (@PortalMX_) March 28, 2020
En las calles del centro de #Monterrey se vio al Batimóvil patrullando y mandando un mensaje a la ciudadanía para resguardarse en sus casas y evitar la propagación del #coronavirus. pic.twitter.com/RNBeOJWGpp
یہ بیٹ مین اپنی کار سے سپیکر کے ذریعے لوگوں سے درخواست کرتا ہے کہ وہ کورونا سے بچنے اور اس کے پھیلاؤ کو روکنے کے لیے اپنے اپنے گھروں میں رہیں۔
علاوہ ازیں بیٹ مین پہلے سے ریکارڈ شدہ پیغامات بھی سپیکر پر چلاتا ہے جس میں سماجی دوری اختیار کرنے اور ہاتھ بار بار دھونے کی تلقین کرنا شامل ہے۔
بیٹ مین کی جانب سے سپیکر پر چلائے جانے والے ایک پیغام میں اس کا کہنا ہے کہ کورونا سے بچنے کے لیے اپنے اپنے گھروں میں رہیں جتنا ہو سکے کم سے کم باہر نکلیں، ایسا کرنے سے ہم کورونا کے خلاف سپر ہیروز بن سکتے ہیں اور میں یہ کام اکیلا نہیں کر سکتا۔
میکسیکو کا یہ بیٹ مین روزانہ اپنی خاص بیٹ موبائل پر روزانہ سڑکوں اور دیگر عوامی مقامات پر گشت کرتا ہے۔
