نیویارک: (روزنامہ دنیا) گدڑی میں لعل ہونے کی کہاوت کے مصداق ایک امریکی خاتون کو ریت میں سے قیمتی ہیرا مل گیا۔ 56 سالہ بیٹریس واٹ کنز اپنی بیٹی اور نواسی کے ہمراہ امریکی ریاست ارکنساس کے ایک پارک آئی تھیں۔
میڈیا رپورٹ کے مطابق ارکنساس کا ڈائمنڈ سٹیٹ پارک ساڑھے 37 ایکڑ کے علاقے پر محیط ہے اور نابود ہوجانے والی ایسی آتش فشانی زمین پر پھیلا ہوا ہے جہاں ہیرے بھی پائے جاتے تھے۔
بیٹریس واٹ کنز نے بتایا کہ وہ ہیروں کو تلاش کیلئے پارک کے مرکز میں ریت کو الٹ پلٹ رہی تھی کہ انہیں کچھ چمکتا ہوا نظر آیا جسے اٹھا کر جیب میں رکھ لیا اور وہ ایک قیمتی ہیرا تھا۔
