لاہور: (ویب ڈیسک) نائیجیریا میں ایک 49 سالہ خاتون نے(جو برسوں تک اولاد کے لیے ترس رہی تھی) اکٹھے 6 بچوں کو جنم دیا ہے۔
تفصیلات کے مطابق نائیجیریا میں ایک خاتون ڈیکنیس ڈورس لیوی ولن نے 4 لڑکیوں اور 2 لڑکوں کو 9 فروری کو جنم دیا۔
غیر ملکی میڈیا کے مطابق اس خاتون کی شادی 1994 میں ہوئی تھی اور برسوں تک یہ جوڑا بچوں کے لیے ترستا رہا تھا اور 21 سال بعد 2015 میں جڑواں بچوں کی پیدائش ہوئی۔
.jpg)
خاتون نے میڈیا سے بات کرتے ہوئے کہا کہ جڑواں بچوں کی پیدائش مقامی روایتی طریقہ علاج جیسے مساج اور جڑی بوٹیوں کے استعمال کا نتیجہ تھی۔ 6 بچوں کی پیدائش میں ان روایتی ادویات کے استعمال کا نتیجہ ہوسکتی ہے۔
یانگو نامی قصبے میں رہائشی اس جوڑے نے بتایا کہ وہ 8 بچوں کی پیدائش پر خدا کے شکر گزار ہیں جس کے لیے انہیں برسوں تک انتظار کرنا پڑا۔ 6 بچوں کی پیدائش کے لیے آپریشن کی ضرورت نہیں پڑی اور ان کی پیدائش قدرتی طریقے سے ہوئی۔
یہ بھی پڑھیں: 21 بچوں کی ماں کے ہاں ایک اور ’’ننھے مہمان‘‘ کی آمد متوقع
خاتون کا کہنا تھا کہ انہوں نے کبھی 8 بچوں کے بارے میں نہیں سوچا تھا مگر وہ مزید بچوں کے لیے بھی تیار ہیں۔
خیال رہے کہ 6 بچوں کی بیک وقت پیدائش کا امکان نہ ہونے کے برابر ہوتا ہے بالخصوص کسی قس کے طریقہ علاج کے بغیر۔ طبی ماہرین کے مطابق 4 یا اس سے زائد بچوں کی بیک وقت پیدائش کبھی کبھار ہی ہوتی ہے۔
.jpg)
ویسے دنیا میں ایک ساتھ 8 بچوں کی پیدائش (جو سب زندہ بھی بچ گئے) کا ریکارڈ نادیہ سلیمان نامی ایک امریکی یہودی خاتون ہیں جنھوں نے جنوری 2009 میں 8 بچوں کو بیک وقت جنم دیا۔
ان سے پہلے یہ ریکارڈ امریکا کی ہی بوبی میککوفی کے پاس تھا جنہوں نے نومبر 1997 میں 7 بچوں کو جنم دیا اور پہلی بار یہ ایسے 7 بچے تھے جو زندہ بچ گئے۔
