نیو یارک: (ویب ڈیسک) امریکا میں کیمروں نے ایسے ویڈیو کلپ کو محفوظ کیا ہے جس میں دیکھا جا سکتا ہے کہ امریکی خاتون شوہر کو کار کے ذریعے بار بار سڑک پر روندنے کی کوشش کررہی ہے۔
ویڈیو میں یہ بھی دکھایا گیا کہ اس شخص نے پہلے گاڑی کے ڈگی سے کچھ چیزیں نکالیں اور انہیں زمین پر پھینک دیا جبکہ اس کی بیوی گاڑی کے اندر تھی۔
پھر خاتون نےگاڑی کو پیچھے کی طرف چلایا۔ شوہر گاڑی کے پیچھے کھڑا تھا۔ شوہر نے بھاگ کر جان بچائی۔ عورت نے کئی بار اپنے شوہر پر بار بار گاڑی چڑھانے کی کوشش کی مگر وہ ہربار گاڑی تلے آنے سے بچ جاتا۔
ویڈیو میں دیکھا جا سکتا ہے کہ دونوں میاں بیوی ایک عمارت کے سامنے ایک دوسرے سے گتھم گتھا ہیں۔
