تازہ ترین
  • بریکنگ :- کراچی:ماڑی پورروڈپربجلی کی بندش کیخلاف احتجاج
  • بریکنگ :- کراچی:مظاہرین کاپولیس پرپتھراؤ،پولیس کی شیلنگ
  • بریکنگ :- کراچی:مظاہرین گھروں کی چھتوں اورگلیوں میں موجود

شناختی کارڈ دکھائیں اور مفت پیٹرول حاصل کریں، بھارتی شہریوں کیلئے بڑی آفر

Published On 11 August,2021 06:48 pm

نئی دہلی: (ویب ڈیسک) بھارتی ریاست گجرات سے تعلق رکھنے والے ایک پیٹرول پمپ مالک نے نیرج چوپڑہ کے گولڈ میڈل جیتنے کی خوشی میں اعلان کیا ہے کہ وہ شہریوں کو دو دن مفت پیٹرول دیں گے تاہم شناختی کارڈ دکھانے کی شرط لازمی ہوگی۔

یہ بات ذہن میں رہے کہ حالیہ ٹوکیو اولمپکس میں انڈیا کے ایتھلیٹ نیرج چوپڑا نے جولین تھرو مقابلوں میں گولڈ میڈل جیتا تھا۔

اس پیشکش کیلئے فائدہ اٹھانے والوں کیلئے شرط بہت نرم رکھی گئی ہے، انھیں پیٹرول حاصل کرنے کیلئے صرف شناختی کارڈ دکھانا ہوگا۔ نام کی تصدیق کے بعد اسے دو دنوں تک پیٹرول مفت ملے گا۔

پیٹرول پمپ مالک ایوب پٹھان نے اعلان کیا ہے کہ جس بھی شہری کے نام کیساتھ   چوپڑا   جڑا ہوگا، اسے دو دن تک 500 روپے تک مفت پیٹرول دیا جائے گا۔

ایوب پٹھان کا کہنا ہے کہ اس پیشکش کا اعلان انہوں نے ٹوکیو اولمپکس کے جیولین تھرو کے مقابلوں میں انڈیا کیلئے سونے کا تمغہ حاصل کرنے والے نیرج چوپڑا کی کامیابی کی خوشی میں کیا ہے۔

انڈین میڈیا رپورٹس کے مطابق یہ پیشکش کرنے والے دریا دل پیٹرول پمپ کا مالک کا نام ایوب پٹھان ہے۔ موصوف کا تعلق ریاست گجرات کے شہر بھروچ سے ہے۔ اپنی اس انوکھی سکیم کی وجہ سے وہ راتوں رات انڈیا بھر میں مشہور ہو چکے ہیں۔