ممبئی: (ویب ڈیسک) بھارت میں دلہن نے ٹریفک اہلکار سے چالان نہ کرنے کی درخواست کر دی جس کی ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر بھارتی دلہن کی ویڈیو وائرل ہو رہی ہے جس میں انہیں ٹریفک پولیس اہلکار نے روک لیا اور چالان کرنے لگے تو دلہن نے ان سے درخواست کر دی۔
ڈرائیور کو بظاہر ٹریفک کی خلاف ورزی پر روکا گیا لیکن دلہن انچل اروڑا نے پولیس اہلکار سے بات کی۔
آنچل نے مسکراتے ہوئے افسر سے کہا کہ ’میری ہلدی کی تقریب ہے براہ کرم مجھے جانے دو‘ جس کے بعد پولیس اہلکار نے انہیں جانے کی اجازت دے دی۔
پولیس اہلکار نے آنچل سے کہا کہ ’منہ میٹھا کر کے جانا‘ جس پر دلہن کہتی ہیں کہ واپسی پر پکا آپ کیلئے مٹھائی کا ڈبہ لاؤں گی۔
دلچسپ ویڈیو کار کی اگلی نشست پر بیٹھے شخص نے فلمائی جو سوشل میڈیا پر وائرل ہوگئی، وائرل ویڈیو پر سوشل میڈیا صارفین کی جانب سے پولیس اہلکار کی تعریف کی جا رہی ہے۔
ایک صارف نے لکھا کہ ’پولیس پہلی بار اچھی لگی ہے۔‘
