جارجیا: (ویب ڈیسک) جارجیا کے 23 کھلاڑیوں پر مشتمل گروپ نے 121 گھنٹے اور 3 منٹ تک مسلسل باسکٹ بال کھیلنے کا عالمی ریکارڈ قائم کر دیا۔
یہ میچ فیئربرن کے لینڈ مارک کرسچن سکول کے جم میں کھیلا گیا۔
اس منفرد مقابلے میں 17 سے 64 سال کی عمر کے کھلاڑی شامل تھے، کھلاڑیوں کو وقفے کے دوران بھی جم کے اندر رہنا ضروری تھا، ورنہ ریکارڈ منسوخ ہو سکتا تھا، کھیل کے اختتام پر فائنل سکور 13096 بمقابلہ 12972 رہا۔
اس طویل ترین باسکٹ بال میچ کے دوران جمع ہونے والی رقم کو جنسی سمگلنگ کے خلاف اقدامات اور متاثرین کی بحالی کے پروگراموں کیلئے عطیہ کیا جائے گا۔
