میلان:(دنیا نیوز) جنوبی امریکا کے ملک یوراگوائے کے ایک شخص نے آنکھوں کے ڈیلے باہر نکالنے کا انوکھا ریکارڈ اپنے نام کر لیا۔
عالمی میڈیا کے مطابق یوراگوائے کے ولیم مارٹن سینچز لوپیز نے اپنی آنکھوں کے ڈیلے 19 ملی میٹر تک باہر نکال کر گینیز ورلڈ ریکارڈ بنایا۔
انہوں نے یہ انوکھی صلاحیت بچپن میں دریافت کی اور وقت کے ساتھ اسے بہتر کیا، اب وہ اس منفرد ہنر سے دنیا بھر میں شہرت حاصل کر رہے ہیں۔
انہوں گینیز ورلڈ ریکارڈز کے ساتھ گفتگو کرتے ہوئے کہا کہ انہوں نے آنکھوں کے ڈیلے باہر نکالنے کی صلاحیت تقریباً آٹھ یا نو سال کی عمر میں سیکھی تھی، وہ اپنی آنکھوں کے گرد پٹھوں کے اوپری اور نچلے حصوں کو حرکت دے سکتے تھے۔ وقت کے ساتھ انہوں نے اس ہنر میں اتنی مہارت حاصل کی کہ وہ اپنی آنکھ کو ساکٹ سے مکمل طور پر باہر نکالنے کے قابل ہو گئے۔
ولیم کے ڈاکٹر نے ان کی آنکھوں کے باہر نکلنے کی پیمائش کی، اس پیمائش سے پتا چلا کہ ان کی آنکھیں 0.74 انچ یعنی 19 ملی میٹر تک باہر آ سکتی ہیں، یہ پیمائش مردوں کی کیٹیگری میں گینیز ورلڈ ریکارڈ بنانے کے لیے کافی تھی۔
