بیجنگ: (ویب ڈیسک) ان دنوں چین میں ذہنی دباؤ، کم خوابی اور ٹینشن کم کرنے کےلیے ایک عجیب و غریب رجحان تیزی سے فروغ پا رہا ہے، جس میں ہزاروں بالغ افراد ان مسائل سے نمٹنے کے لیے پسیفائرز (چُوسنی) پر انحصار کر رہے ہیں۔
کام کا دباؤ، مارگیج اور گاڑی کی اقساط کی ادائیگی اور آپس کے پیچیدہ تعلقات سمیت جدید زندگی میں بے چینی پیدا کرنے والے مسائل کی بھرمار ہے۔ لیکن کیا ایک سادہ سا فیڈر (پیسفائر) ان مسائل کو کم کرنے میں مددگار ثابت ہو سکتا ہے؟
بظاہر چینی بالغ افراد میں پلاسٹک کے فیڈرز کی مقبولیت نے ایک جنون کی شکل اختیار کر لی ہے اور ہزاروں نوجوان بالغ افراد 10 سے 500 یوان (تقریباً 1.40 سے 70 امریکی ڈالر) تک ان پلاسٹک کے فیڈرز پر خرچ کر رہے ہیں۔
ان فیڈرز کو اکثر ذہنی دباؤ اور بے چینی سے نجات دلانے والی مصنوعات یا نیند میں مدد کرنے والی چیز کے طور پر فروخت کیا جارہا ہے اور روزمرہ زندگی سے پریشان بہت سے لوگوں کے لیے یہ سادہ اشتہاری جملے خریداری کا محرک بن جاتے ہیں۔
چینی ای کامرس پلیٹ فارمز پر ان فیڈرز کی بھرمار ہے اور سب سے کامیاب اسٹورز ہر مہینے ایسے ہزاروں فیڈرز فروخت کر رہے ہیں۔
