واشنگٹن: (دنیا نیوز) ”جان مکین کی فکر نہ کریں وہ تو ویسے بھی مرنے والے ہیں“ امریکی صدر ٹرمپ کی مشیر کیلی سیڈلر کے بیان پر امریکا میں غم و غصہ، وائٹ ہاؤس انتظامیہ نے معافی مانگ لی۔
سی آئی اے کی ممکنہ سربراہ جینا ہیسپل کی مخالفت کرنے پر سینیٹر جان مکین سے متعلق ٹرمپ کی مشیر کیلی سیڈلر کا انتہائی افسوسناک بیان سامنے آیا ہے۔
امریکی میڈیا کے مطابق کیلی سیڈلر نے کہا کہ ”جان مکین کی فکر نہ کریں وہ تو ویسے بھی مرنے والے ہیں، ان کی مخالفت کی فکر کیوں کریں“۔ بیان کے بعد جان مکین کی اہلیہ نے سوشل میڈیا پر ردعمل کا اظہار کرتے ہوئے کہا کہ بیان دینے والوں کو پتہ ہونا چاہے کہ جان مکین کا ایک خاندان بھی ہے۔
@kellysadler45 May I remind you my husband has a family, 7 children and 5 grandchildren.
— Cindy McCain (@cindymccain) May 10, 2018
کیلی سیڈلر کے بیان پر امریکا میں شور مچا تو وائٹ ہاؤس کو معافی مانگنی پڑی۔ یاد رہے کہ جان مکین کینسر کا شکار ہیں اور چند ماہ پہلے ان کے دماغ کا آپریشن بھی ہوا تھا۔
