کیلی فورنیا: (دنیا نیوز) جنگلات میں لگنے والی ہولناک آگ کی تباہی جاری ہے، ہلاکتوں کی تعداد 76 ہو گئی جبکہ 1300افراد لاپتہ ہیں۔
امریکی ریاست کیلی فورنیا کے جنگلات تاریخ کی بدترین آگ کی زد میں ہیں۔ آگ نے ڈھائی لاکھ ایکڑ کا رقبہ جلا کر راکھ کر دیا۔ چودہ ہزار عمارتیں آگ کی لپیٹ میں آئیں۔ آگ کے دھویں کی وجہ سے اس وقت کیلی فورنیا کی فضا کو دنیا کی آلودہ ترین فضا کہا جا رہا ہے۔ حکام کے مطابق آگ پر پچاس فیصد تک قابو پا لیا گیا ہے۔
