استنبول: (ویب ڈیسک) ترکی کے صدر رجب طیب اردوان کا کہنا ہے کہ عالمی برادری شام میں ہونے والی غلطی کو لیبیا میں نہ دہرائے۔ ہمیں لیبیا کے بحران کو ختم کرنے کی ضرورت ہے۔
ان خیالات کا اظہار ترک صدر نے جرمنی کی چانسلر انجیلا مرکل کے ہمراہ ترک جرمن یونیورسٹی نئی عمارت کی افتتاحی تقریب میں شرکت کے موقع پر کیا۔
خطاب میں لیبیا میں جنگ بندی کی کوششوں کا جائزہ پیش کرتے ہوئے صدر اردوان کا کہنا ہے کہ اگر لیبیا میں امن قائم نہ ہوا تو اس سے پورا مشرقی بحیرہ روم کو متاثر ہو گا۔
ان کا کہنا تھا کہ القاعدہ اور داعش جیسی دہشت گرد تنظیموں ابھی ہی سے علاقے میں نشانہ نہ بنایا بنایا گیا تو پھر تنظیموں کو علاقے میں اپنے پاوں پھر سے پھیلانے کے مواقع میسر آجائیں گے۔ ہمیں لیبیا کے بحران کو ختم کرنے کی ضرورت ہے۔
ترک صدر کا کہنا تھا کہ خاص طور پر خلیفہ ہفتر اور ان کے حامیوں پر ہمیں اپنا مسلسل دباو ڈالنے کی ضرورت ہے۔ طرابلس میں سویلین بستیوں پر حملوں میں اضافے اور ہوائی اڈے کو نشانہ بنانے سے حالات مزید خراب ہوگئے ہیں۔
رجب طیب اردوان کا کہنا تھا کہ پچھلے چند ہفتوں میں لیبیا میں جو کچھ ہو رہا ہے وہ ہم سب کی آنکھوں کے سامنے ہے۔ ان حقائق کی روشنی میں ، ہم امید کرتے ہیں کہ عالمی برادری شام میں کی جانے والی غلطی کو لیبیا میں نہیں دہرائے گی۔
ان کا کہنا تھا کہ لیبیا کے مسئلے کے حل، امن کے قیام، خونریزی اور آنسوؤں کو روکنے کے لئے اٹھائے گئے اقدامات تمام اقدامات کی بھر پو حمایت کریں گے۔
