ٹورنٹو: (ویب ڈیسک) کینیڈین وزیراعظم نے گستاخانہ خاکوں پر رد عمل دیتے ہوئے کہا ہے کہ اظہار رائے کی آزادی سب کا حق ہے لیکن حد سے باہر نہیں ہونی چاہیے۔
میڈیا سے گفتگو کرتے ہوئے گستاخانہ خاکوں کی اشاعت کے سوال پر جسٹن ٹروڈو کا کہنا تھا کہ ہم ہمیشہ آزادی اظہار رائے کا دفاع کریں گے مگر اس کی ایک حد ہونی چاہیے، ہمیں دوسروں کیلئے احترام کے ساتھ کام کرناچاہیے اور کوشش کرنی چاہیےکہ غیرضروری طورپرلوگوں کی دل آزاری نہ ہو۔
یہ بھی پڑھیں: گستاخانہ خاکے، ہمارا جواب وہی ہے جو اہل مدینہ نے دیا تھا ’’طلع البدر علینا‘‘: ترک صدر
ان کاکہنا تھاکہ ہمیں اپنےالفاظ اور افعال کے دوسروں پر اثرات کا علم ہوناچاہیے اور ایسی کوئی بات نہیں کہنی چاہیے جس سے ہمارے ساتھ رہنے والوں کے جذبات کو ٹھیس پہنچے اور خاص طور پر ایسے افراد جنہیں معاشرے میں بڑے پیمانے پر امتیازی سلوک کاسامنا ہے۔ ان پیچیدہ مسائل پر ذمہ داری کےساتھ بحث کے لیے معاشرہ تیار ہے۔
فرانس میں ہونے والے حالیہ حملوں کے حوالے سے کینیڈین وزیراعظم کاکہنا تھاکہ یہ حملے ناجائز اور بلاجواز ہیں اور ان کی بالکل بھی حمایت نہیں کی جاسکتی،کینیڈا کے عوام اس مشکل وقت میں فرانسیسی عوام کے ساتھ کھڑے ہیں۔
یہ بھی پڑھیں: گستاخانہ خاکے: مسلمانوں کو حق پہنچتا ہے فرانس کو تاریخی جرائم کی سزادیں: مہاتیر
خیال رہے کہ 2 روز قبل کینیڈا کی پارلیمنٹ نے فرانس میں چرچ کے باہر ہونے والے حملے میں 3 افراد کے قتل کے خلاف لواحقین سے اظہار یکجہتی کے لیے خاموشی بھی اختیار کیا تھی۔
