کابل: (ویب ڈیسک) افغان طالبان نے افغانستان کی فضائی حدود کی خلاف ورزی کرنے پر امریکا کو خبردار کر دیا۔
سماجی رابطے کی ویب سائٹ ٹویٹر پر افغانستان کے نائب وزیراطلاعات ذبیح اللہ مجاہد نے لکھا کہ امریکا ڈرون طیاروں سے افغان فضائی حدود کی خلاف ورزی کر رہا ہے۔
انہوں نے کہا ہے کہ عالمی قوانین کے تحت ہر ملک اپنی سر زمین اور فضائی حدود کا خود مختار ہوتا ہے، اسی طرح اماراتِ اسلامیہ افغان سر زمین اور فضائی حدود کی واحد قانونی نگراں ہے۔
About airspace of Afghanistanhttps://t.co/3SmnYkCpHN pic.twitter.com/huIue3NXD2
— Zabihullah (..ذبـــــیح الله م ) (@Zabehulah_M33) September 29, 2021
ذبیح اللہ مجاہد نے مزید کہا کہ امریکا دوحہ میں طالبان سے ہوئے معاہدے کی خلاف ورزی بھی کر رہا ہے۔ تمام ممالک خصوصاً امریکا افغانستان سے اپنا رویہ عالمی قوانین کے تحت رکھیں اور باہمی اعتماد و احترام کا رویہ اپنائیں۔
