پرتھ : ( ویب ڈیسک ) سکاٹ لینڈ کے شہر پرتھ کے ایک ہوٹل میں آگ لگنے کے باعث 3 افراد ہلاک جبکہ متعدد زخمی ہوگئے۔
غیر ملکی خبر رساں ادارے کے مطابق پرتھ کے ہوٹل نیو کاؤنٹی میں آگ لگنے کا واقعہ پیش آیا جس میں کم از کم تین افراد ہلاک اور متعدد زخمی ہوگئے۔
رپورٹ کے مطابق ریسکیو ٹیموں نے موقع پر پہنچ کر آگ پر قابو پانے کی کوشش کی، 9 فائر فائٹر ٹرک اور 21 ایمبولینسز نے امدادی کاموں میں حصہ لیا۔
رپورٹ میں بتایا گیا ہے کہ کئی لوگوں کو زخمی حالت میں ہسپتال منتقل کیا گیا۔ پولیس نے علاقے کو سیل کرکے لوگوں کو جائے وقوعہ سے دور رہنے کی ہدایت کی۔
