تہران: (ویب ڈیسک ) ایران میں برطانوی شہریت رکھنے والے سابق نائب وزیر دفاع علی رضا اکبری کوپھانسی دے دی گئی۔
غیر ملکی میڈیا کے مطابق ایرانی عدلیہ نے علی رضا اکبری کوبرطانیہ کیلئے جاسوسی کے الزام میں سزائے موت دی ہے ، اس کے علاوہ ان پر جوہری سائنسدان محسن فخری زادے کے قتل میں کردار ادا کرنے کا الزام بھی عائد کیا گیا تھا۔
غیر ملکی میڈیا کے مطابق علی رضا اکبری ، 1997 سے 2005 میں صدر محمد خاتمی کے دور میں نائب وزیر دفاع کے عہدے پر فائز رہے تھے ۔
سابق نائب وزیر دفاع کو 2019 میں گرفتار کیا گیا تھا اور بدھ کے روز سزائے موت سنائی گئی تھی۔
غیر ملکی میڈیا کے مطابق برطانیہ نے علی رضا اکبری کی سزائے موت کو سیاسی محرک قراردے کر فوری رہائی کا مطالبہ کیا تھا۔
