کیف: (ویب ڈیسک) یوکرین کے صدر وولودیمیر زیلنسکی نے اسرائیلی وزیر خارجہ سے ملاقات کے دوران کہا کہ ’ایران‘ یوکرین اور اسرائیل کا مشترکہ دشمن ہے۔
غیر ملکی خبر رساں ادارے کے مطابق اسرائیلی وزیر خارجہ ایلی کوہن یوکرین کے دورے پر پہنچے اور صدر وولودیمیر زیلنسکی سے ملاقات کی اور روس جنگ سمیت خطے میں امن و سلامتی سے متعلق تبادلہ خیال کیا۔
یوکرینی صدر وولودیمیر زیلنسکی نے اسرائیلی وزیر خارجہ سے کہا کہ ایران ہمارا مشترکہ دشمن ہے، ایران خطے میں طاقت کے توازن کو خراب اور عسکریت پسندوں کی معاونت کر رہا ہے۔
FM @DmytroKuleba welcomed in Kyiv his counterpart @EliCoh1.
— MFA of Ukraine (@MFA_Ukraine) February 16, 2023
This is the first visit of an Israeli representative since the beginning of the full-scale invasion.#Ukraine is grateful to #Israel for provided humanitarian aid.
We look forward to deepening our cooperation. pic.twitter.com/ga34ciPOma
اسرائیلی وزیر خارجہ ایلی کوہن نے یوکرائنی ہم منصب کے ہمراہ میڈیا سے گفتکو میں کہا کہ اسرائیل روس کی جانب سے جنگ مسلط کرنے پر یوکرین کے عوام کے ساتھ کھڑا ہے۔
اسرائیلی وزیر خارجہ نے مزید کہا کہ صدر زیلنسکی سے ملاقات میں خطے میں ایرانی خطرے کے پیش نظر یوکرین کے ساتھ تعاون کو مزید مضبوط و مستحکم کرنے پر بھی بات چیت کی۔
ایلی کوہن نے جنگ زدہ یوکرین میں صحت کے شعبے کی دیکھ بھال اور شہر کے بنیادی ڈھانچے کے حوالے سے اسرائیلی منصوبے جاری رکھنے کا وعدہ کیا اور کہا کہ اسرائیل اگلے ہفتے اقوام متحدہ میں یوکرین کے امن اقدام کی حمایت کرے گا۔
