لندن : (ویب ڈیسک ) برطانیہ میں غیرقانونی تارکین وطن کو ہوٹلوں میں رکھنے کی بجائے فوجی اڈوں یا غیر استعمال فیریز پر رکھنے کا منصوبہ بنایا جارہا ہے۔
غیر ملکی میڈیا رپورٹس کے مطابق اس منصوبے کا اعلان چند ہفتوں میں متوقع ہے ، اس حوالے سے وزراء اشارہ دے چکے ہیں کہ سیاسی پناہ گزینوں کو ہوٹل میں رکھنے کا سلسلہ بند کردیا جائے گا۔
قبل ازیں چھٹیوں کے دوران کیمپوں اور طلباء کے ہالوں کو استعمال کرنے کی تجاویز دی گئی ہیں، تاہم اس تجویز کی منظوری کا امکان نہیں ہے۔
یہ خبر ایسے وقت میں سامنے آئی ہے جب کنزرویٹو ارکان پارلیمنٹ اگلے ہفتے وزیر اعظم رشی سونک کے غیر قانونی تارکین وطن بل کے خلاف بغاوت کرنے کی تیاری کر رہے ہیں۔
خیال رہے کہ متعدد ٹوری اراکین پارلیمنٹیرین قانونی تارکین وطن بل کے خلاف ہیں ، مجوزہ حکومتی قانون پر پیر اور منگل کو پارلیمنٹ میں بحث متوقع ہے۔
