بیت المقدس : ( ویب ڈیسک ) اسرائیلی پولیس نے مسجد اقصیٰ کے احاطے میں ایک بار پھر فلسطینی نمازیوں پر حملہ کر دیا۔
غیر ملکی خبر رساں ادارے کے مطابق فلسطینی ہلال احمر کی جانب سے تازہ ترین حملے میں کم از کم چھ افراد کے زخمی ہونے کی اطلاع دی گئی ہے۔
Scenes showing occupation forces alert in the Old City and assault on the residents after they were forcibly removed from the blessed Al-Aqsa Mosque tonight pic.twitter.com/YQviKYGqIs
— AlQastal News (@QastalNewsEn) April 5, 2023
مسلح پولیس نے سٹن گرینیڈز کا استعمال کرتے ہوئے فلسطینی نمازیوں پر ربڑ کی کوٹیڈ اسٹیل کی گولیاں برسائی ہیں جبکہ سوشل میڈیا پر سامنے آنے والی ویڈیوز میں مسلح فوجیوں کو مسجد کو نمازیوں سے زبردستی خالی کرتے ہوئے دکھایا گیا ہے۔
Occupation forces assault a young man who was injured by kicking him during the expulsion of worshipers from the Al-Qibli prayer hall in Al-Aqsa tonight pic.twitter.com/rbPhNu4hgS
— AlQastal News (@QastalNewsEn) April 5, 2023
یاد رہے کہ گزشتہ روز بھی اسرائیلی پولیس نے مسجد الاقصیٰ کے احاطے میں درجنوں نمازیوں پر حملہ کیا تھا جس کے نتیجے میں متعدد افراد زخمی ہوئے ۔
اسرائیلی پولیس کے حالیہ حملے پر رد عمل دیتے ہوئے فلسطینی صدر محمود عباس کے ترجمان نبیل ابو رودینہ نے کہا کہ اسرائیل کا مسجد اقصیٰ میں نمازیوں پر حملہ حالیہ امریکی کوششوں پر ایک طمانچہ ہے جس نے رمضان کے مہینے میں امن و استحکام پیدا کرنے کی کوشش کی تھی۔
واضح رہے کہ گزشتہ روز کے تصادم کے بعد وائٹ ہاؤس کی قومی سلامتی کونسل کے ترجمان جان کربی نے کہا تھا کہ ہم مسلسل تشدد سے بہت زیادہ فکر مند ہیں اور ہم تمام فریقین پر زور دیتے ہیں کہ وہ مزید کشیدگی سے گریز کریں، یہ اب پہلے سے کہیں زیادہ ضروری ہے کہ اسرائیلی اور فلسطینی دونوں مل کر اس کشیدگی کو کم کرنے اور سکون کا احساس بحال کرنے کے لیے کام کریں۔
دوسری جانب حالیہ حملے کے بعد کینیڈا کی نیو ڈیموکریٹک پارٹی حکومت پر زور دے رہی ہے کہ وہ الاقصیٰ پر ہونے والے تازہ چھاپوں کے بعد کارروائی کرے کیوں کہ ملک اب مزید سائیڈ لائن پر کھڑا نہیں رہ سکتا۔
پارٹی کے رہنما جگمیت سنگھ نے اسرائیلی پولیس کے تشدد کو خوفناک، پریشان کن اور سفاکانہ قرار دیا اور کہا کہ این ڈی پی کینیڈا کے ردعمل پر بحث کے لیے پارلیمنٹ میں تحریک پیش کرے گی۔
The terrifying, disturbing, and brutal violence at the Al-Aqsa Mosque makes it clear that Canada can no longer stand on the sidelines.
— Jagmeet Singh (@theJagmeetSingh) April 5, 2023
The NDP will move a motion to discuss immediate steps Canada can take to help end violence and violations of human rights and International Law. https://t.co/SWhGDaygsh
این ڈی پی قانون ساز بلیک ڈیسجرلیس نے ٹوئٹر پر جاری کیے گئے ایک بیان میں کہا کہ چاہے لوگ رمضان کے روزے رکھ رہے ہوں یا پاس اوور میں جبر سے آزادی کا جشن منا رہے ہوں، انہیں پرامن عبادت کے حق کی ضمانت دی جانی چاہیے۔
Statement: pic.twitter.com/ILRijw0hhd
— Blake Desjarlais (@DesjarlaisBlake) April 5, 2023
رپورٹس کے مطابق الاقصیٰ پر تازہ حملے کے بعد کشیدگی مقبوضہ مشرقی یروشلم کے دیگر حصوں تک پھیل گئی ہے، حملے کے دوران ایک 14 سالہ لڑکے کے بازو پر بھی گولی لگی ہے جبکہ حملے میں زخمی ہونے والے افراد کو ہسپتال منتقل کر دیا گیا ہے۔
14-year-old Palestinian child Khader Ghrab who was shot by a colonial Israeli settler in the Old City of occupied Jerusalem. pic.twitter.com/StqtnA50p9
— AlQastal News (@QastalNewsEn) April 5, 2023
ترکی کے دارالحکومت استنبول میں فتح مسجد کے باہر مظاہرین نے مسجد الاقصی سے زبردستی نکالے جانے والے فلسطینی نمازیوں کی حمایت میں احتجاجی مظاہرہ کیا، انہوں نے فلسطینی پرچم لہرائے اور تشدد کی مذمت کرتے ہوئے نعرے لگائے۔
فلسطین کی وفا نیوز ایجنسی کے مطابق اسرائیلی فورسز کے الاقصیٰ کمپاؤنڈ پر دھاوا بولنے کے بعد مقبوضہ مغربی کنارے میں شروع ہونے والی جھڑپوں میں درجنوں فلسطینی زخمی ہو گئے ہیں۔
ایجنسی نے بتایا کہ اسرائیلی فورسز کی جانب سے نابلس میں زہریلی گیس کے کنستر پھینکے جانے سے کم از کم 12 افراد زخمی ہوئے، جبکہ ایک اور شخص شمالی شہر ہیبرون کے قریب بیت عمر کے قصبے میں زندہ گولہ بارود کا نشانہ بنا۔
وفا نے رپورٹ کیا کہ بیت عمر میں درجنوں افراد نے زہریلی گیس سے دم گھٹنے کی بھی اطلاع دی۔
ایجنسی نے جنین اور بیت لحم شہروں کے قریب فلسطینیوں کے ساتھ اسرائیلی فورسز کی جھڑپوں کی بھی اطلاع دی۔
علاوہ ازیں چین اور متحدہ عرب امارات کی درخواست پر اقوام متحدہ کا ہنگامی اجلاس آج طلب کر لیا گیا ہے جس میں فلسطین کی موجودہ صورتحال پر تبادلہ خیال کیا جائے گا۔
یاد رہے کہ اقوام متحدہ کی انسانی حقوق کونسل نے گزشتہ روز بھی اسرائیلی قبضے کیخلاف او آئی سی کی قرارداد بھاری اکثریت سے منظور کی تھی، بیت المقدس اور گولان کی پہاڑیوں پر قبضے کیخلاف او آئی سی کی قرارداد پاکستان نے پیش کی، قرارداد کے حق میں اڑتیس اور مخالفت میں چار ووٹ پڑے جبکہ پانچ ملکوں نے ووٹنگ میں حصہ نہیں لیا۔
اسرائیل کیخلاف قرارداد کی مخالفت کرنے والے چار ملکوں میں امریکا اور برطانیہ بھی شامل تھے۔
