ایتھنز: (ویب ڈیسک) یونان کے سمندر میں تارکین وطن کی کشتی الٹنے سے 500 سے زائد افراد ڈوب گئے تھے ۔
بدقسمت کشتی 500 سے زیادہ غیر قانونی تارکین وطن کو لیکر لیبیا سے اٹلی جارہی تھی، جن میں زیادہ تر پاکستانی سوار تھے، خراب موسم کی وجہ سے یونان کے علاقہ کلمتا کے قریب حادثہ پیش آیا ، ہلاکتوں میں اضافے کا خدشہ ہے۔
یونانی حکومت کی طرف سے متاثرہ علاقے میں ایمرجنسی نافذ کردی گئی تقریبا 90 سے زیادہ تارکین وطن کو زندہ بچا لیا گیا سینکڑوں افراد ابھی بھی لاپتہ ہیں، فوجی طیارے، ہیلی کاپٹر اور 6 کشتیوں کے ساتھ ریسکیو آپریشن جاری ہے۔
ترجمان کوسٹ گارڈ کا کہنا ہے کہ حادثہ بحیرہ آیونی میں پیش آیا تھا، کسی نے بھی لائف جیکٹ نہیں پہنی ہوئی تھی، حادثے کی شکار کشتی کے تارکین وطن کی شناخت کا عمل جاری ہے، بظاہر لگتا ہے کہ تارکین وطن لیبیا سے اٹلی جا رہے تھے۔
