موغادیشو: (دنیا نیوز) صومالیہ میں نادرا کے اشتراک سے شروع صومالی قومی شناختی نظام کا اجراء کردیا گیا۔
صومالیہ کے وزیر اعظم حمزہ عبدی بارے نے موغادیشو میں صومالیہ کے قومی شناختی کارڈ کا افتتاح کیا، یہ منصوبہ حکومت پاکستان کی طرف سے برادر ملک صومالیہ کو دی جانے والی ملٹی ملین ڈالر کی گرانٹ کا حصہ ہے۔
صومالیہ کے وزیر اعظم حمزہ عبدی اور صدر حسن ایم شیخ نے انمول تعاون پر وزیر اعظم پاکستان اور نادرا کا تہہ دل سے شکریہ ادا کیا۔
— NADRA (@NadraPak) September 17, 2023
چیئرمین نادرا اسد رحمان گیلانی نے صومالیہ میں اپنے ہم منصب کوتہنیتی پیغام بھیجا جس میں انہوں نے کہا کہ نادرا کو صومالیہ کے قومی شناختی نظام کے کامیاب نفاذ اور اجراء پر بے حد فخر ہے۔
چیئرمین نادرا نے مزید کہا کہ صومالیہ کا نیشنل آئی ڈی سسٹم نہ صرف سکیورٹی نظام کو تقویت دے گا ، اس سے جامع ترقی، مالیاتی بااختیار بنانے اور بہتر طرز حکمرانی کی راہ بھی ہموار ہو گی۔
