تہران: (ویب ڈیسک) ایران کے جنوب مشرقی حصے میں پولیس سٹیشن پر مسلح افراد نے فائرنگ کر کے 11 افراد ہلاک اور متعدد کو زخمی کر دیا ہے۔
غیر ملکی میڈیا کے مطابق مقامی نائب گورنر علی رضا نے بتایا کہ تہران سے تقریباً 1400 کلو میٹر جنوب مغرب میں واقع راسک ٹاؤن میں صبح 2 بجے مسلح افراد کے حملے میں سینئر پولیس افسران اور سپاہی مارے گئے۔
نائب گورنر نے مزید کہا ہے کہ پولیس نے فائرنگ کے تبادلے میں کئی حملہ آوروں کو بھی ہلاک کر دیا ہے، دوسری جانب ایرانی سرکاری ٹی وی نے اس حملے کا الزام ایک علیحدگی پسند گروپ جیش العدل پرعائد کیا ہے۔
