بغداد: (ویب ڈیسک ) عراق میں امریکی فوج کے اڈے پر راکٹوں سے حملے میں ایک امریکی اور عراقی سمیت دو فوجی زخمی ہو گئے۔
میڈیا رپورٹس کے مطابق امریکی حکام نے بتایا کہ عین الاسد ایئربیس پر حملے میں امریکی فوجی کو معمولی زخم آئے جبکہ عراقی سکیورٹی فورسز کا اہلکار شدید زخمی ہوا ہے۔
امریکی سینٹرل کمانڈ نے کئی میزائل کو ہدف تک پہنچنے سے قبل ہی مار گرانے کا دعویٰ کیا ہے۔
عرب میڈیا کے مطابق حملہ اسرائیلی فضائیہ کی شامی دارالحکومت دمشق میں کارروائی کا ردعمل ہوسکتا ہے جس میں ایرانی فوج کے پانچ ارکان مارے گئے ہیں ۔
