غزہ: (دنیا نیوز) اسرائیل کے مظلوم فلسطینیوں پر مظالم جاری رہے، فضائی اور زمینی حملوں سے مزید 54 فلسطینی شہید ہوگئے۔
اسرائیل کی دیر البلاح میں سکول پر بمباری سے بچوں اور خواتین سمیت 10 فلسطینی شہید اور متعدد زخمی ہوگئے، شہدا کی مجموعی تعداد 42 ہزار 603 ہوگئی۔
لبنان کے دارالحکومت بیروت کے ایئرپورٹ کے قریب اسرائیلی طیاروں کی بمباری سے متعدد عمارتیں ملیا میٹ ہوگئیں، صیہونی فوج نے حزب اللہ کے کاروباری مراکز کو بھی نشانہ بنانے کا اعلان کر دیا،مزاحمتی تنظیم کے اسرائیل پر جوابی حملے، متعدد راکٹ داغ دیئے۔
